زندگی شاعری زندگی پر خوبصورت غزل | Zindagi Shayari | Zindagi Shayari in Urdu
نغمگی شبنمی ریشمی زندگی
پیار کی چاشنی باہمی زندگی
بےحسی ماتمی آپ کی زندگی
کیا کروں تو بتا رنجشی زندگی
کرب دل سوز جشنِ طرب دوستو
دیکھئے یہ مری موسمی زندگی
دردِ دل مجھ کو دیدو مری جاں سنو
ہو مبارک تمہیں شبنمی زندگی
دیکھ رسنے لگا ہے مکاں یہ مرا
کو بہ کو چار سو ہے ندی زندگی
حسرتِ وصل جاں ماہ رو مہ جبیں
رہ گئی زندگی میں کمی زندگی
تیرگی ہے فقط آج دلکش یہاں
تو بتا ہے کہاں روشنی زندگی
مصطفیٰ دلکش
مہاراشٹر
India
